Channel Title: ERNEST PCH Channel Description: Job enquiry: Madelaine.yu@trialanderror924.com Ig: @mdlymw (Tel: 94501403) <video> 日語中甚麼是 NTR/寢取/夫目前犯? Description: 日語中甚麼是 NTR/寢取/夫目前犯? 首先NTR即係寢取，日文拼音係NE-TO-RA-RE-RU，漢字係寢取，所以縮寫就係NTR。咁乜嘢係NTR呢，如果你好kai咁睇個漢字，就即係比人攞咗個訓覺，寢被人取丫嘛。所以NTR/寢取亦即係同人訓咗嘅意思，通常都會用嚟講自己嘅愛人老婆同第個發生咗關係，自己戴綠帽。 咁夫目前犯其實就唔洗多講，照字面釋就係「丈夫眼前侵犯」。呢幾隻通常喺邊度出現呢？女仔就要問下男朋友，男仔就唔洗扮嘢啦！喺日本嘅著名愛情動作片嘅封面，我地都成日見列「夫目前犯」，因為佢係一個系列，係一個喺人地老公飲醉、訓咗、暈低、不省人事等等嘅情況下侵犯佢賢內座嘅片種。究竟點解呢？我意思係點解可以訓到隔離咁大聲都唔知呢？ 不過講返正題，日本流行NTR或者夫目前犯呢啲片種係有原因。有一位朋友同我講過佢識一位喺真正嘅無料案內所做嘅台灣人，佢好似係入咗藉定唔知點總之可以做風俗行業。佢話喺個啲無料案內所介紹比客人嘅女人入面，有啲係有老公嘅，雖然呢兩夫妻連仔都生埋，但呢個老公喺出面亦都第個女朋友嘅。嗱未完喎，最崩潰係呢位老公出面個女朋友都係人地老婆嚟，問你死未。既然喺現實生活中都有呢啲情況出現，愛情動作片有呢啲情節亦都相當合理。 認真嘅，喺日本兩年生活，都有成日聽到日本人對於出軌呢件事睇得好化。雖然會唔會出軌就因人而異，但我都確實感受到呢種出軌唔係咩大事嘅氛圍。不過放心，夫目前犯都真係一個主題嚟，我諗現實唔會有好多嘅～ 《無料案內所》簡介 無料＝免費；案內＝介紹。無料案內所是一個娛樂平台，Ernest 與不同主持人為大家放送日本相關的影片和資訊。 《無料案內所》SNS Facebook https://www.facebook.com/muryouannaiasia/ Follow Ernest https://www.instagram.com/ernest_pch/ </video> <video> 日本網民有多喜歡梁凱晴區議員？港版綾瀨遙？ Description: 日本網民有多喜歡梁凱晴區議員？ 港版綾瀨遙？ 區議會選舉結果出爐，非建制派當選議員席數有388， 比起建制派嘅59議席多出300幾以上。當中觀塘區議會嘅月華選區當選嘅梁凱晴深受日本人歡迎，大讚她是港版綾瀨遙。隨住日本網民熱烈討論，梁凱晴出現喺日本電視入面嘅一啲截圖仲更加喺一啲日本嘅娛樂資訊入面被網民討論，當然就唔係政治嘅討論，而係身材同樣貌嘅評價，而唔少人都集中讚佢嘅有廣闊嘅胸襟同美麗嘅臉蛋。 而最令我驚訝嘅係，係一個日本專記載idol、聲優等等藝人嘅event schedule網站eventernote入面，竟然有記載梁凱晴議員謝票嘅活動資訊，仲有埋fb link。真估唔到香港嘅政治人物都會有一日成為日本嘅idol。 講返個選舉，當然有唔小自稱愛港人士嘅藍絲飲恨，有啲人都幾有體育精神，例如我嘅親戚喺Wtsapp群內話：「今早知道了選舉結果，心裹有D傷感，原來自己的睇法竟然同大部份香港人不相同，離地想法竟然是我們的一群，真的冇奈，少数服從多数，希望市民選擇正確，可以令香港變得更好，更繁榮，更安定，大家一起努力。」令我覺得咦，原來所謂嘅藍絲入面都有啲幾開通嘅。 不過今次嘅選舉，雖然有超過300個所謂民主派議員當選，但呢個結果唔等於香港人贏咗，因為6月到而家死咗又有報道嘅接近3000人，而血債只能血償。造成呢一切嘅元凶一日唔受到制裁，所有死去嘅人都唔會得到安息。希望大家對着極權，唔好忘記佢對我哋做過嘅所有不人道對待。直到黎明來到嘅一刻，我哋都要抗爭到底。 《無料案內所》簡介 無料＝免費；案內＝介紹。無料案內所是一個娛樂平台，Ernest 與不同主持人為大家放送日本相關的影片和資訊。 《無料案內所》SNS Facebook https://www.facebook.com/muryouannaiasia/ Follow Ernest https://www.instagram.com/ernest_pch/ 《無料案內所》簡介 無料＝免費；案內＝介紹。無料案內所是一個娛樂平台，Ernest 與不同主持人為大家放送日本相關的影片和資訊。 《無料案內所》SNS Facebook https://www.facebook.com/muryouannaiasia/ Follow Ernest https://www.instagram.com/ernest_pch/ </video> <video> 超多日本妹推介！誰會成為新一代令和歌姬？ Description: #ReoNa #Nainai #ないない #Aimer #Walpurgis #milet #Checkmate #Uru #FirstLove #ファーストラヴ #Adieu #上白石萌歌 #YOASOBI #優しい彗星 去呢度聽『令和歌姬』歌單：https://lnk.to/ReiwaDiva 大家都知《鬼滅之刃》大熱，連帶為電影唱主題曲《炎》女歌手LiSA都攞哂細碟榜同大碟榜冠軍。因為咁LiSA成為令和年號第一位同時在兩榜稱冠的歌手，亦是相隔16年6個月再有女歌手有此佳績，平了歌姬宇多田光的紀錄。除咗LiSA之外日本都有好多唱歌好好聽嘅日本女仔，今日就等我精簡推介下呢啲日本女仔，再介紹返多首唔同曲風的歌比大家，睇下大家又覺得邊個會做下個令和歌姬！ ReoNa - Nainai ないない 喺日本聽歌一定關動漫事，你住過日本就會明我講咩。有位歌手叫ReoNA，佢就喺訪問入面自稱「絶望系動漫歌手」。有啲人仲會話佢係咩新一代動畫主題曲女神，我就因為佢頭髮啲顏色而認得佢，今次介紹返呢首動畫主題曲 ないない，我覺得曲風好似我VOCALOIDボカロ聽開個種feel咁。 Aimer - Walpurgis Aimer大家如果未聽過真係削少少，佢係天生做歌手個啲命嚟。細個因為老豆係Bass佬已經不停接觸音樂，又有練琴，小學已經模仿椎名林檎和宇多田光歌喉，十五歲聲帶受損用咗沉寂治療法半年沉默之後，確立要做歌手。我最鐘意係佢首Torches，兩年前聽會聽到喊，但今次想介紹嘅係佢成隻新碟Walpurgis比大家。 milet - Checkmate 呢位女仔2019年先出道，出道單曲〈inside you〉仲要係由ONE OK ROCK吉他手Toru操刀製作，之後喺2020就踩上紅白。我都係最近先識呢位歌手，我會叫佢做日本美國歌手，唔想解釋，呢個係我聽完佢首新歌 Checkmate 之後嘅感受。 Uru - First Love ファーストラヴ Uru呢個歌手係勁到我係因為隨機喺日本K房聽到佢首プロローグ而識，個陣聽到返屋企就開始loop，本身首歌已經好聽，加埋佢把聲我一聽完就入哂腦。由於佢本名、年齡等個人信息都唔公開，所以被稱為「神秘的歌手」。新啲嘅話大家可以聽下 First Love ファーストラヴ。 Adieu - adieu2 介紹埋呢個10年前仲係小五就出咗道嘅女歌手 adieu，佢仲係00後，今年先21歲。佢就係你的名字個宮水三葉嘅聲優上白石萌音個妹妹，上白石萌歌 Adieu。又音又歌果然係靠把聲搵食，Adieu參加東寶藝能舉辦的「東寶灰姑娘」選拔，喺4萬幾人入面脫穎出成為史上年紀最小的得獎者。今次想介紹佢嘅係佢下個月6月尾先出嘅新碟，adieu2 。 YOASOBI - 優しい彗星 最後介紹嘅呢隊YOASOBI嚴格來說不只是女仔，佢哋是由作曲作詞的Ayase及主唱ikura所組成的日本雙人音樂組合，其特色為「將小說音樂化」。他們的成名作「夜に駆ける」就係以星野舞夜的小說《タナトスの誘惑》為原作所推出嘅歌，亦都係佢哋嘅第一隻單曲。 上年年尾便在紅白出場演唱，這是首度有藝人未發行實體作品便獲邀登上紅白。但今次我想推介的是他們的優しい彗星。 每天關注我的9UP狀況： https://www.instagram.com/ernest_pch/ </video> <video> 2020叱咤樂壇頒獎典禮有咩咁好睇？點解要討論姜濤值唔值？【本地案內】 Description: 「叱咤頒獎有咩咁好睇？」唔知幾時開始，當有人話要睇叱咤嘅頒獎典禮個陣，身邊有啲朋友都會用呢個問題嚟撻返你轉頭。我諗由無咗4台聯頒開始，香港人都逐漸少咗睇香港樂壇嘅頒獎典禮，我自己都唔例外。由細細個睇啲歌手上台講感言睇到跟住一齊喊，睇Eason同古巨基爭男歌手金獎到2010年因為版稅風波以致四台聯頒開始無咗之後，我會覺得呢十年嘅香港樂壇喺網路普及嘅情況下係經歷改朝換代嘅變化。 喺呢條片，我想以一個觀眾身分分享一下2020叱咤樂壇頒獎典禮有咩咁好睇。 叱咤嘅頒獎典禮我由識聽歌開始已經有追，由03年嘅古巨基回歸樂壇感動講出「我最鐘意唱歌」，到陳奕迅攞過十次男歌手金獎同埋連續9年攞我最喜愛男歌手。我每次睇頒獎禮都好想睇到自己鐘意嘅歌手唱live，睇得好感動又肉緊。但大概去到一個位因為版稅問題有啲歌手唔可以4個台嘅頒獎典禮都出席到甚至攞到獎嘅時候，我就開始少睇咗。直到今年2020年尾，我返到嚟香港，緊貼住我聽嘅係一堆廣東歌，係唔單止一個歌手嘅歌，有林家謙、JER 柳應廷、Jace Chan陳凱詠、等等唔同歌手嘅歌，我突然覺得香港樂壇好似比起以前多咗好多好嘅歌同歌手。 再睇埋2020叱咤樂壇流行榜頒獎典禮，我就發現2020嘅樂壇比起以前真係多返好多色彩。 第一大重點我覺得係因為2年前嘅全民造星造就返香港人嘅偶像出嚟。呢個電視節目唔單止令人與人之間多咗連繫同話題，仲令到一班香港人鐘意返本地嘅嘢。喺樂壇歷史嘅男團入面，除咗Boyz好少少有好多一出嚟都比人狠批，就算自己鐘意男團與否，MIRROR確實成功打入香港樂壇，坐擁一班fans。其實姜濤嘅歌同埋人都攞獎相信大家都唔會意外，因為第一個意想不到攞呢個獎嘅歌手早在2015年已經出現，吳業坤攞我最喜愛男歌手已經係樂壇因為網絡而開始改朝換代嘅分水嶺。當年我仲好記得SNS開始普及，而坤哥係少有用SNS都用得多嘅歌手，因為呢個獎年年都係投票選出嘅所以森美喺15年頒獎嘅時候都講過一段經典嘅說話： 所以15年同16年坤哥連續攞呢個獎除咗係「民意」，仲係話比其他歌手同佢哋嘅fans知道個世界已經唔同咗玩法，跟唔上就好快被時代淘汰。而呢個亦都係我認為嘅第二大重點嚟㗎。喺網絡時代當道嘅世界，全民造星誕生出嚟嘅人贏到人氣贏到口碑，所以姜濤攞獎只係再一次話比大家知時代已經唔同咗。而森美喺頒獎嘅時候都講出一啲類似嘅說話。再者，我認為當晚姜濤嘅歌藝已經好過某部分出道以久嘅歌手。 第三我會覺得係香港今年嘅樂壇多咗唔少高quality嘅歌曲比大家揀，再加上我哋喺網絡都會搵一啲啱自己嘅歌嚟聽，變相就算係一啲非主流嘅音樂都比以前剩係大眾媒體操控曝光個陣多咗唔少曝光率。我哋多咗好多渠道去接觸不同嘅音樂。我自己就認為林家謙嘅曲同編係Canton pop入面有自己風格，而佢幫陳奕迅作嘅《是但求其愛》加埋小克嘅詞我會認為係陳奕迅久違嘅廣東歌神作。當然除咗林家謙，好似Serrini同Perse呢啲非主流嘅音樂人都能夠打入大眾嘅耳仔入面。因為時代改變，新人多咗機會曝光，唔同嘅音樂人都可以有自己嘅平台製作，可以話有種難得一見百花齊放嘅感覺，多咗咁多人討論本土歌手同作品已得係一件值得開心嘅事。 最後我想話，其實每代都會有每代嘅明星。因為時代嘅轉變，每代嘅明星定義同感覺同會隨時代改變。好似我係90後，就嚟30歲，以前聽極都係陳奕迅古巨基個啲，再多啲都係張敬軒陳柏字。上一代個啲明星係張國榮、梅豔芳，講到陳奕迅上一代嘅人都覺得比下去啦。所以其實無得咁樣比，大家要接受時代嘅轉變，欣賞返當代有份努力嘅音樂人。當然以前嘅歌手好重視唱功同台上功架等等嘅專業態度都好需要被重視，不過呢啲嘢都係每人有自己準則，比起無人再討論廣東歌，多返咁多人關注已經係一件好事。 唔好再問：「叱咤樂壇頒獎典禮其實有咩咁好睇？」不如今年比啲時間去留意下聽下新嘅作品，下一年再去投票比你鐘意嘅歌或者人啦。有得嗌下點都好睇啦啩。 每天關注我的9UP狀況： https://www.instagram.com/ernest_pch/ </video> <video> 《如果我們拍全民造星》 Description: 鳴謝所有幫手拍攝朋友！ 浩嵐 https://www.instagram.com/makholaam/?hl=ja 薑檸樂 https://www.instagram.com/gingerlemoncola/?hl=ja Billy https://www.instagram.com/billy2046/?hl=ja 阿呆 https://www.instagram.com/croy1710/?hl=ja Kosa https://www.instagram.com/kosalaw/?hl=ja Charis https://www.instagram.com/tcchuuu/?hl=ja #全民造星 #薑檸樂 #浩嵐 #Billy2046 #阿呆 #Kosa #小妍 #全民造星III Follow ERNEST 緊貼9up狀況： https://www.instagram.com/ernest_pch/ </video> <video> 日本勁VLOG：東京9頭大阪遊紀錄片 2022 Description: 呢個故事係講述兩位相識咗幾廿年嘅，阿孝 同 Billy 喺2022年尾開關之後決定放個大假，一齊去大阪走返轉，於是佢哋搵多兩個喺東京住嘅兄弟幫手租架車揸去大阪了！！ 喺阿孝同Billy身後嘅係林雪同粉頭，佢哋係阿孝之前3年東京（日本）生活入面嘅好朋友，而呢班人喺當時自稱：東京鳩頭。 https://www.instagram.com/ernest_pch/ </video> <video> ERNB《ONE MATCH》Music Video ｜（試當真〈廢柴足球傳〉ED） Description: ERNB《ONE MATCH》Music Video in ERN9's cut This is 試當真〈廢柴足球傳〉ED 片尾曲. 在那場唯一贏了的 ONE MATCH，ERN9 & Billy 當時的肉體在日本。於是他們的精神以《ONE MATCH》加入了這場比賽之中。 《ONE MATCH》 Vocal : ERN9 Composer & Producer: Billytangg Lyrics: ERN9 Music Arrangement: hin chan | billytangg Guitar Solo: hinchan Mixing: ting@gakestudio Backing Vocal: ERN9 | 510 | Chi Lyrics： We‘ll stand up strict no matter how we fall We’ll step up quick we gonna win the war 燃えるぜ (燃燒吧)　We have no plans 走り出すよ迷わないで (開始奔跑不要迷失)　running and dash 汗が吹き出して (汗不斷流)　to make a chance 意味さえなくても (即使沒任何意義)　And we fight til the end Here we are 泥だらけ (滿身泥濘)　keep rolling 止めることのない (無人可阻擋我們) 傷つけ (受了傷)　keep going 止めることのない (我們勢不可擋) 痛くて (痛也繼續)　keep rolling 諦められない (不能放棄) 熱くて (熱血繼續)　keep going 諦めることはない (永不放棄) Ar~~~ 立ち向かえエゴ (勇敢地面對自我) 進んで　Be a ヒーロー (繼續前進，成為英雄) Ar~~~ 勇気出して一歩踏み出そう　beautiful goal (讓我們鼓起勇氣，朝著美好的目標邁出一步) Ar~~~ 試合はnot a solo！ (比賽不是單打獨鬥！) チーム集合！ensemble (Team 集合！ 一起合奏) Ar~~~ Let’s get it ONE MATCH ! Let’s get it ONE MATCH ! ただひとつの奇跡のゴールを (只為了一個奇蹟的入球) Get up! ONE MATCH ! Just get up! ONE MATCH ! たとえゴールが見えなくても (即使看不到入球也好) Burning up ONE MATCH ! Burning up ONE MATCH ! ゼロから僕らのストーリーを (從零開始建立我們的故事) Last ONE MATCH ! 最後のONE MATCH ! 勝ちの未来へ向けてく！(邁向勝利的未來) うおーWoah Oh～ We‘ll stand up strict no matter how we fall We’ll step up quick we gonna win the war 《廢柴足球傳》大結局－游學修篇｜試當真 https://www.youtube.com/watch?v=tPo3rBdJt-Q ERN9's ig: @ernest_pch </video> <video> 試當真2個月十萬訂閱的原因【本地案內】 Description: 大家好我係Ernest，歡迎大家收睇Ernest案內所。今集要講嘅Topic係香港網絡上一件幾犀利嘅事件，就係一個新開嘅channel喺短短2個月內破十萬訂閱，佢哋就係試當真。 如果大家係由captv就開始睇呢個班底，相信對豪哥、腎仔同游學修呢3位成員並唔陌生。我係由captv開始就好鐘意豪哥同腎仔呢兩個人嘅組合，佢哋離開咗captv之後喺2年前開咗金鋼crew呢個channel，當時仲有火柴，最後喺今年同游學修埋班搞試當真喺2個月時間內破十萬訂閱，成為風靡香港網絡嘅熱話。2個月係一個好短嘅時間，但由captv到試當真足足經歷係5年，同為喺網絡拍片嘅人我會覺得呢件事係好感動。 游學修係香港演藝學院電影電視個邊嘅編劇畢業，喺演藝路上都有自己嘅故事（播片）努力嘅人係會等到屬於自己嘅機會，因為認真試下嘅人除咗認真之外仲會不斷試，喺呢條路上3位開台班底游學修、蘇致豪、許賢終於成功開台，擁有一班追看佢哋嘅試真毛。作為其中一位觀眾，我想試下喺2方面講一講我覺得試當真可以喺咁短時間內咁受歡迎嘅原因。 第一，我覺得試當真將搞笑昇華成幽默。香港嘅喜劇演員同導演最出名一定係周星馳星爺，相信都無咩香港人係無睇過周星馳嘅電影。而喺香港嘅網路上，基本上大部分嘅笑片都帶有星爺嘅影子，基本上搞笑嘅成分都係無厘頭。啲搞笑嘅網片例如：微辣呀、不滅墨水、小薯茄等等好多時候都會將一啲無厘頭嘅對白、反應加入片中嘅橋段入面去搞笑。但唔知有無人同我一樣，有時睇笑片如果覺得當中度嘅對白、橋段等等係比我覺得刻意搞緊笑嘅話，就會令我入唔到個戲而營住有種尷尬嘅感覺，最後可能睇睇下就會唔想睇添。但係試當真班底由captv到金鋼crew到而家拍嘅片一路都無呢個感覺比我，好多時候觀眾嘅留言都會話：「我究竟睇咗啲咩？」而我覺得「我究竟睇咗啲咩？」係一種「頂，好鳩呀我睇咗啲咩呀？」嘅感覺，但係又會覺得幾搞笑。因為呢一種所謂嘅「鳩」有一部分係嚟自於無厘頭，另一部分係嚟自於佢哋刻意營造嘅一啲尷尬情景。係呢個位我就會諗如果刻意搞笑係尷尬嘅時候，咁佢哋刻意尷尬反而就變得搞笑。而重要要嘅係佢哋嘅演技係可以帶到觀眾入去個情境入面，所以觀眾睇得舒服，覺得過癮，最重要係喺其他地方睇唔到嘅時候，佢哋嘅片先會咁多人追看。 第二想講嘅係channel策略方面，我會建議大家睇睇試當真嘅試睇電影會《THE OFFICE US》呢一集。游學修親自介紹呢套偽紀錄片THE OFFICE US，同時都係美國嘅情境喜劇，但係呢個片種喺香港並唔流行，呢種情境喜劇我最有印象嘅就係艾粒嘅鏗鏘透視，當時睇艾粒真係笑到得hihi。而channel需要乜乜嘅系列就係做緊屬於試當真呢個channel嘅偽紀錄片。睇呢個系列就好似真係睇緊佢哋個channel變化咁，同時又真正哋為試當真呢個channel擴展緊。第一集「需要女」係招募女演員；第二集「需要錢」係sell佢哋個會員功能；第三集「需要橋」係招募編劇。我覺得用偽紀錄片嚟配合channel發展可以話係奇策，因為對香港觀眾嚟講新穎之餘又可以做到佢哋要嘅喜感，所以佢哋咁受歡迎都並唔係無原因。 喺呢個網絡時代可以建立出自己嘅拍片style並唔容易。游學修亦都喺直播講過十萬訂閱都本來只係佢一年嘅目標，最後由埋班到定期出片試當真喺兩個月內可以上到十萬訂閱，接到廣告仲開到埋會員功能可以話喺香港網絡係一個好犀利嘅數據。我哋成日都見到好多人嘅成功好似係好快，其實背後付出咗幾多未必有人會真係留意。努力嘅人一定會得到尊重。 每天關注我的9UP狀況： https://www.instagram.com/ernest_pch/ </video> <video> 【蜘蛛俠:決戰千里】彩蛋解析: 神奇4俠即將重啟 (蜘蛛人:離家日/驚奇四超人彩蛋) Description: 【蜘蛛俠:決戰千里】彩蛋解析: 神奇4俠即將重啟 (蜘蛛人:離家日/驚奇四超人彩蛋) 大家好，歡迎收睇Ernest Docrazy。今次要講的是Spider-Man Far From Home（蜘蛛俠:決戰千里/蜘蛛人:離家日）入面的大彩蛋，而這個彩蛋是在第一個End Credit Scene可以見到。 當Spider-Man（蜘蛛俠/蜘蛛人）在New York接MJ的時候，背景出現了一塊宣傳板，寫着「We are so excited to show you what comes next」，下面有一個時間線的圖案由1 2 3去到4變成一個問號。 這個時間線的彩蛋可以代表兩個意義。一當然是MCU由第一階段去到第三段階段的完結，因為Spider-Man Far From Home（蜘蛛俠:決戰千里/蜘蛛人:離家日）就是Marvel電影宇宙的第三階段最後一部電影，然後藉由Slogan說Marvel Studio很期待告訴大家之後的故事會怎樣「We are so excited to show you what comes next」。 而第二個意義就是暗示Fantastic 4（神奇4俠/驚奇四超人）將會在MCU之後的故事出現。因爲時間線的123?的顏色是橙色、卡奇色、藍色跟白色的問號，已經跟Fantastic 4（神奇4俠/驚奇四超人）四個成員顏色相同，還要有一個是問號代表隱形。本身都是在懷疑這個彩蛋的狀態，直到今天Marvel Studio在聖地牙哥動漫展公布Fantastic 4（神奇4俠/驚奇四超人）即將會在之後重啟，我才決定將這個彩蛋講出來，真的不得不佩服Marvel做這些彩蛋的用心。 除此之外，這塊宣傳板彩蛋出現的地方在New York東41號街的Library Way，這裏就是漫畫中的神奇4俠（Fantastic 4/驚奇四超人）的基地大樓，所以又是一個跟神奇4俠（Fantastic 4/驚奇四超人）有關連的地方。另外MCU入面New York的Tony Stark 大樓都重建中，難道這棟就是之後神奇4俠的新基地，也有機會是為了Spider-Man（蜘蛛俠/蜘蛛人）和神奇4俠（Fantastic 4/驚奇四超人）的合作舖路，因為在漫畫入面Spider-Man（蜘蛛俠/蜘蛛人）都有跟神奇4俠合作過，而MCU入面Avengers的Science Brothers Tony和Banner某程度上已經退役，如果新的Science Bros是Peter Parker和神奇4俠（Fantastic 4/驚奇四超人）的Mister Factastic都好合理。最後就是新的英雄有機會會好像黑豹和Spider-Man一樣在某個英雄的續集中出現，以這個情況來看在Spider-Man3（蜘蛛俠/蜘蛛人）介紹神奇4俠（Fantastic 4/驚奇四超人）也不為奇，如果下集真的對付Sinister Six怎樣也要人幫忙一下吧。不知道大家又怎樣想呢？不如留言討論一下 今集快報先到這裏，之後有甚麼有趣的再跟大家分享，想看日本的東西可以先去IG看，YouTube還在籌備要拍些甚麼日本相關的東西，我們下個影片見 想留意更多我的動態，記得緊貼Ernest Docrazy Ernest Docrazy社交平台： Ernest Docrazy channel: https://www.facebook.com/Ernestdocrazy/ Ernest DoCRAZY facebook: https://www.facebook.com/ErnestDoCRAZY/ Ernest instagram: https://www.instagram.com/ernest_pch/ </video> <video> 我在蛙妹心目中有100分嗎？！絆ノ奇跡 cover 原來是這樣拍的【幕後紀錄片】 Description: 蛙妹，又名 ____ 經我查探，似乎係1月…2號 生日 摩羯座，有個金牛座妹控家姐 呢啲都唔重要，最重要係… 鍾意唱歌！ 因為我，都鍾意唱歌！ 我與蛙妹喺香港動漫電玩節相識 發現大家都鍾意聽日文歌 而我喺日本生活嘅時候一直都好想做一件事，就係… 錄cover！ 絆ノ奇跡 45 x CANDIES の 蛙妹から何点を取れる！？ 場地贊助：HERE Studio @herestudio.hk me ig https://www.instagram.com/ernest_pch/ </video> <video> 當《反斗奇兵》發生在現實世界 (台釋: 玩具總動員) Description: 當《反斗奇兵》發生在現實世界 (台釋: 玩具總動員) 反斗奇兵4 (台釋: 玩具總動員4) 在香港今日剛剛上映，因為自小便是反斗奇兵 (台釋: 玩具總動員) 的粉絲，所以繼當刺客教條發生在現實世界之後，我再次拍攝當電影發生在現實世界系列。 今集當《反斗奇兵4》發生在現實世界 (台釋: 玩具總動員) 不想只拍影評，如果大家有看我的頻道，就會知道我不只想當個影評人，我希望藉着重返YouTube，可以拍多一點短片製作。今次當《反斗奇兵4》發生在現實世界 (台釋: 玩具總動員4) 小試牛刀，與日本一班好拍擋兄弟合力拍攝。 如果大家喜歡當電影發生在現實的系列，記得Like和訂閱！我一定會再繼續這系列的。 「當《反斗奇兵4》發生在現實世界」拍攝初稿公開 (台釋: 玩具總動員) 鏡頭 - 整玩具Forky（遮身） - 用心整完（正面） - Forky完成品（特寫） - 滿意離開房間（中距） - 走進廁所痾屎 - 痾屎中 - Forky - 痾完 - Forky - 出門走至㩒𨋢 - Forky - 食飯 - Forky - 買東西 - Foky - 搭車 - Forky - 回到家 - Forky在廚房 - 疑惑打電話報警 - ちょっと困ってるんですが、泥棒が部屋に入ったかもしれません。 - 睇下間屋有無嘢唔見 - 去警察局報案 - 返屋企 - Forky在原位 - Check露台 - 打電話 - 喂我懷疑我被人爆格 - 無嘢唔見 - 但我隻叉比人郁過 - 你咪撚笑啦我講真㗎 - 屌 - 苦街飲酒苦惱 - 返家見到Forky在廁所頂 - 發癲好驚 - 打電話比細佬 - 喂細佬，你喺日本咩？ - 唔好扮嘢啦。 - 你一定喺東京嘅。 - 喂喂喂你聽我講埋先。 - 我想話呀。 - 食屎都唔好走嚟我廁所食！食完唔該你放返我隻叉喺原位！仲有，個隻唔係叉，係Forky！ - Cut線 - 大力放電話在廁所頂。 - 拿走Forky - 扔落垃圾桶 補： 加唔見咗 對望 Wing返嚟 完 相關影片： https://youtu.be/0nMV80E-WmE 日本動態更新 Instagram: ernest_pch Facebook: Ernest Docrazy </video> <video> 日本鬼才歌手米津玄師 5首日文歌推介 Description: 日本鬼才歌手米津玄師 5首日文歌推介 歡迎大家收睇《日娛你又知幾多？》 我係Eriko，其實我同Ernest一樣都係在日香港人嚟㗎。 收到大家嘅意見之後，所長Ernest話啲片用返廣東話先，一步一步嚟。 今日想為大家介紹一個日本音樂人，佢被稱為40年難得一見嘅鬼才，點解咁講？因為基本上同藝術相關嘅佢都識做，無論係音樂上嘅作詞、作曲、編曲、演唱、演奏、混音，抑或係MV動畫同專輯設計佢都識。喺佢嘅歌曲《Loser》入面更加見到佢識跳舞。宜家佢以28歲之齡就已經紅透日本，係其中一位非常出名嘅歌手。 咁剩係介紹歌手就唔夠嘅，緊係要介紹埋啲歌啦。 第一首必聽嘅係「Lemon」(播十秒副歌) 米津玄師作嘅呢首日劇《unnatural》主題曲「Lemon」成為2018年日本最hit嘅歌。呢首歌更加令佢首次登上紅白歌唱大賽，喺YouTube已經有4億views。套劇同首歌都咁感人，大家一定要聽下。 第二首，係Lemon之後出嘅「Flamingo」。歌詞同曲風都比較跳脫，有日本人仲話佢呢首歌詞係富有文學氣息。 (播十秒副歌) 呢首歌係Lemon之後收錄喺佢嘅新專輯當中，亦都係一首Sony嘅廣告歌，同時都係佢今年最快破億嘅歌曲。 第三首係《我的英雄學院》嘅主題曲「ピースサイン」 ，係一首快歌，同時都係佢其中一首嘅破億點擊歌。 (播十秒副歌) 聽到呢首想同大家講下佢被稱為鬼才嘅其中一點係因為佢可以配合唔同嘅主題，或者係配合唔同嘅合唱歌手去作唔同嘅感覺。 啱啱係熱血類嘅動漫歌，呢首係關於戀愛嘅動畫電影主題曲「打上花火」，係DAOKO合唱 (播十秒副歌) 跟住海獸嘅動畫電影主題曲「海の幽霊」 (播十秒副歌) 同埋日本另一位當紅藝人菅田將暉合唱嘅「灰色と青」 (播十秒副歌) 首首都唔同感覺，相信緊有一首你啱聽嘅。唔啱聽唔緊要，我地下集再為大家介紹其他日娛嘢。今集嘅介紹你鐘唔鐘意呢？留言話比我地知，我地下條片見 88 《無料案內所》簡介 無料＝免費；案內＝介紹。無料案內所是一個娛樂平台，Ernest 與不同主持人為大家放送日本相關的影片和資訊。 《無料案內所》SNS Facebook https://www.facebook.com/muryouannaiasia/ Follow Ernest https://www.instagram.com/ernest_pch/ </video> <video> 東京夾公仔1000日圓內必中3大技巧與攻略 Description: 東京夾公仔1000日圓內必中 夾娃娃3大技巧與攻略 大家好我係所長Ernest，又係時候分享日本嘅生活經驗啦。相信不少對夾公仔有興趣的朋友，一定會在網上看很多夾公仔的影片，睇睇下你會發現其實有好多招數你嚟到東京旅行都用唔到。今日我會話比大家知喺東京夾公仔嘅真相，同埋教曉大家以1000日圓夾到公仔嘅技巧。 真相：每個地區設定不同 很多時候我們在網上睇到啲人分享夾公仔特別竅門，但其實個啲竅門係幾乎全部都唔適用於東京市區的夾公仔店。有一位夾公仔經驗豐富的日本人朋友同我講過一個比喻，他的說法是：「越接近秋葉原的地方夾公仔難度就越高。」因為好多時網上分享好容易就夾到公仔的片段大多數都唔係喺東京市區店內拍，可能係一啲偏遠的住宅區小店，所以當我地睇完個啲片，旅行個陣又去返新宿、涉谷、池袋、秋葉原呢啲市區夾就會R哂頭，最後可能重課金都未必夾到添。 咁究竟點先可以用1000日圓就夾到呢？確實係有啲小技巧對應嘅。 (一) 循舖看價錢和機種設定 首先我地要識分部機係貴定平，正常嘅機係100円一次，最好揀啲有埋500円六次嘅機，通常200円一次個啲即使望落有信心我都唔會揀。之後我會睇下部機嘅設定難唔難，我認為最容易穩陣就係有兩個半圓圈桿在一條啜膠杜嘅呢一款機。只要你第一下試到個兩腳夾會打開到咩位，然後穩打穩陣左右左右梅花間竹拉個半圓向前，基本上就算超過1000日圓1500日圓都會夾到。呢個時候你一定會諗：咦Ernest呃人嘅，又話1000日圓而宜家又變1500。唔係呃秤唔係整蠱唔係搵笨，我地睇埋之個兩招。 (二) 循舖執雞 其實喺循舖嘅時候你要做多一步，就係睇一睇有無啱心水嘅景品喺店入面係比人夾過郁過，如果有就執佢尾雞。比人夾過即係比起原本位置郁前左或者你見到就嚟跌個啲。我自己就試過最平500円執到一隻我想要嘅figure。 (三) 必殺技：找店員幫忙 最後就係大絕，搵店員幫手。只要大家善用遊客身份，得閒用英文問啲店員話好難夾叫佢教同幫，好多時佢地就會幫你移去一個更易夾到嘅位置，當然就更適用於我啱啱講個種機種啦。有一次我個朋友未夾先問店員點夾，個店員以為佢夾唔到就郁咗去一個篤一下就跌落去嘅位，最後佢用100日圓就夾到。 以上就係喺東京夾公仔嘅真相同攻略，店嘅話我自己覺得Adores就係最穩陣嘅店，就好似呢位朋友咁，即使我地喺秋葉原夾，佢都900日圓就夾到呢隻初音了。今集講到呢到，有咩想講記得留言話我知，請大家訂閱同Like我地無料案內所，下次見88～ 《無料案內所》簡介 無料＝免費；案內＝介紹。無料案內所是一個娛樂平台，Ernest 與不同主持人為大家放送日本相關的影片和資訊。 《無料案內所》SNS Facebook https://www.facebook.com/muryouannaiasia/ Follow Ernest https://www.instagram.com/ernest_pch/ </video> <video> 香港女VS日本妹: 成為日本妹的簡單教學 Description: 香港女VS日本妹 成為日本妹的簡單教學 在日本生活這兩年，我遇過好多日本妹。雖然這些日本妹我一個都追不到，但係我發現了一個事實。日本妹來說，一定會掛一句金句嘴邊。於是我決定找一位女生來跟大家說，香港女生跟日本妹有甚麼不同。 情境1 (Ernest Carrie店內逛街畫面) 香港 E：(拿起公仔) BB呀，你睇下呢個。 C：哇好得意呀～ 日本 E：(拿起公仔) ほら、これ見て〜(你睇下呢個) C：可愛い～ 情境2 (Ernest Carrie店內逛街畫面) 香港 E：(拿起奇怪的公仔) BB呀，你睇下呢個。 C：哇呢隻咩嚟㗎，好樣衰呀～ 日本 E：(拿起奇怪的公仔) ほら、これ見て〜(你睇下呢個) C：可愛い～ 情境3 (Ernest Carrie牽手逛街畫面) 香港 E：(指住個女仔) BB呀，你睇下嗰個人～ C：做咩呀？個女仔好靚咩？去追下人囉，睇下人地受唔受～ E：唔係喎，我話嗰個阿叔喎～ (Carrie鬆開Ernest手) C：(厭惡表情) 阿叔你都啱，你份人唔好咁污穢啦～(聞下自己隻手想抹) (背向Ernest走) E：(追回Carrie) 喂，你聽我講啦！唔係喎，阿叔無問題㗎.. 日本 E：(指住個女仔) ほら、あの人を見て〜(你睇下嗰個人) C：可愛い～ E：へっ、あのおじいさんだよ〜(阿叔嚟㗎喎) C：可愛い～ E：まあ、確かに。(哦，都係嘅) 情境4 (Ernest Carrie在街頭走路畫面) 香港 E：(指住地下) 小心踩屎！ C：(避開走向Ernest) 哇差啲踩到呀好彩你提我咋。痴線，邊個喺條街痾屎咁無公德心呀。 E：(拉Carrie走) 哇好臭呀，應該唔係日本人做嘅.. C：(厭惡表情) 快啲行啦我想嘔呀。 日本 E：(指住地下) 気をつけて！(小心) C：(蹲在地下看屎，屎打格) 可愛い～ E：(諗咗陣) 確かに。(都係嘅) 情境5 (Ernest Carrie看電腦) 香港 (看到林奠的相) C：(開始哭) E：你做咩喊呀？ C：(哭着) 我同佢一樣，都係叫Carrie。 (影着二人背面慢慢拉開) E：名咋嘛，咪改過囉～唔好喊啦，Err..一係，叫Curry囉。似又似唔哂，都有返個 C：(哭着) 你都係唔好出聲啦。 E：點解啫，我都係想幫下手啫... 日本 (看到林奠的相) (C＋E一齊驚訝樣) C+E：可愛い～ 《無料案內所》簡介 無料＝免費；案內＝介紹。無料案內所是一個娛樂平台，Ernest 與不同主持人為大家放送日本相關的影片和資訊。 《無料案內所》SNS Facebook https://www.facebook.com/muryouannaiasia/ Follow Ernest https://www.instagram.com/ernest_pch/ </video> <video> milet令香港男性痴線的日本妹研究報告 Description: #milet #Ordinarydays #Checkmate #OneTouch #InsideYou #令和歌姬 去呢度聽『令和歌姬』歌單：https://lnk.to/ReiwaDiva milet令香港男性痴線的日本妹研究報告 今日我想跟大家正正經經說這件事 就是 milet 這位日本妹已經影響了世界 每一個男性都有一個老婆，而每一位女性就有50%機會成為別人的老婆。根據非正式統計，milet 可以成為大家老婆的機率幾乎高出9成，不如我們看看研究人員網羅的少少證據。 每天關注我的9UP狀況： https://www.instagram.com/ernest_pch/ </video>

Contacts and Links

Description

Job enquiry:
Madelaine.yu@trialanderror924.com
Ig: @mdlymw (Tel: 94501403)

Videos from channel